Xəbərlər

Böyük Britaniyada beynəlxalq səviyyəli biznes təhsili almağı planlaşdıran tələbələr üçün Cardiff University tərəfindən təqdim olunan növbəti mühüm maliyyə dəstəyi imkanını diqqətinizə çatdırırıq. StudyNet vasitəsilə müraciət edən beynəlxalq tələbələr üçün Cardiff University nəzdində fəaliyyət göstərən Business School-da magistr təhsili zamanı £10,000 dəyərində xüsusi təhsil dəstəyi əldə etmək imkanınız mövcuddur. Bu maliyyə dəstəyi yüksək akademik potensiala malik, qlobal biznes mühitində karyera qurmağı hədəfləyən və beynəlxalq təhsil mühitində inkişaf etmək istəyən tələbələr üçün nəzərdə tutulub. Universitetin biznes təhsili modeli nəzəri biliklərin praktik tətbiqi, real biznes nümunələri üzərində öyrənmə və qlobal əmək bazarının tələblərinə uyğun bacarıqların formalaşdırılması prinsiplərinə əsaslanır. Müasir akademik infrastruktura, beynəlxalq tələbə mühitinə və güclü sənaye əlaqələrinə malik olan bu təhsil mühiti tələbələrə akademik biliklə yanaşı, eyni zamanda peşəkar inkişaf, liderlik və strateji düşünmə bacarıqları da qazandırır. Bu isə məzunların qlobal əmək bazarında rəqabət qabiliyyətini əhəmiyyətli dərəcədə artırır. Xüsusi olaraq qeyd edək ki, bu maliyyə dəstəyi imkanından yararlanmaq yalnız rəsmi partnyor, yəni StudyNet olaraq bizim vasitəsimizlə həyata keçirilən müraciətlər üçün mümkündür. StudyNet olaraq biz tələbələrə universitet və proqram seçimi, sənədlərin hazırlanması, müraciət prosesinin idarə olunması və qəbul mərhələsinin bütün addımlarında peşəkar və sistemli dəstək təqdim edirik. Bu imkan 2026-cı il payız qəbul dövrü üçün nəzərdə tutulub və məhdud sayda namizədləri əhatə edir. Erkən müraciət edən tələbələr seçim prosesində daha yüksək üstünlüyə malik olur və maliyyə dəstəyindən yararlanmaq şansını artırır. Kimlər müraciət edə bilər? • Biznes sahəsində magistr təhsili planlayan beynəlxalq tələbələr • Akademik göstəriciləri uyğun olan namizədlər • Qlobal karyera hədəfləri olan və liderlik potensialı göstərən tələbələr • Müraciət prosesini StudyNet vasitəsilə həyata keçirən şəxslər Növbəti addımınız: Beynəlxalq səviyyəli biznes təhsili, güclü akademik reputasiya və əhəmiyyətli maliyyə dəstəyi ilə karyeranıza möhkəm başlanğıc etmək istəyirsinizsə, müraciət prosesinə vaxt itirmədən başlamağınızı tövsiyə edirik. StudyNet komandası ilə əlaqə saxlayaraq bu xüsusi imkandan yararlanmaq və müraciət prosesini peşəkar dəstək ilə həyata keçirmək üçün indi ilk addımınızı ata bilərsiniz. Daha çox məlumat üçün: Tel: +994 55 918 93 93 ; +994 12 310 00 23 Mail: [email protected] [[email protected]]

BSC Education tərəfindən həyata keçirilən City Explorer Manchester proqramı tələbələrin İngilis dili bacarıqlarını dinamik, interaktiv dərslər və ilhamverici layihə-əsaslı öyrənmə vasitəsilə inkişaf etdirmək üçün hazırlanıb. Dil bilikləri ilə yanaşı, tələbələr özünə inam, müstəqillik və ünsiyyət, əməkdaşlıq, tənqidi düşüncə və yaradıcılıq kimi vacib həyat bacarıqları qazanırlar. Dərslərdən kənarda isə tələbələr Mançesterin canlı şəhər həyatını kəşf edir, məşhur yerli məkanları ziyarət edirlər. Bu təcrübələr Britaniya mədəniyyətini yaxından tanımağa, İngilis dilini real mühitdə praktika etməyə, eyni zamanda sosial və akademik baxımdan inkişaf etməyə imkan yaradır. Proqram boyunca iştirakçılar müxtəlif ölkələrdən olan yeni dostluqlar qururlar. City Explorer Manchester İngiltərənin Şimal-Qərbində, Mançester şəhərinin mərkəzində yerləşən BSC məktəbində keçirilən, 12–17 yaş arası yeniyetmələr üçün nəzərdə tutulmuş, əyləncəli və fəaliyyətlərlə zəngin yay proqramıdır. İştirakçılar: 1. İngilis dili bacarıqlarını inkişaf etdirəcək 2. Yaradıcılıq, problem həll etmə və özünə inam qazanacaq 3. Britaniya mədəniyyəti haqqında daha dərin bilik əldə edəcək 4. Kiçik qruplarda layihə-əsaslı tapşırıqlarda iştirak edərək komanda işi və ünsiyyət bacarıqlarını gücləndirəcək 5. Yerli görməli yerləri və maraqlı məkanları kəşf edəcək 6. Əylənəcək və beynəlxalq dostlar qazanacaq Kurs Məlumatları 1. Yaş aralığı: 12–17 2. Kurs müddəti: Minimum 1 həftə 3. Səviyyə: Bütün səviyyələr 4. Sinif ölçüsü: Minimum 6, maksimum 15 tələbə 5. İngilis dili dərsləri: Həftədə 15 saat 6. Başlama tarixləri: 5 iyul 2026 və 12 iyul 2026 7. Məkan: BSC Manchester, 7 Chatham Street, Manchester M1 3AY Akademik Təcrübə 1. Kiçik siniflər tələbələrə fərdi diqqət və dəstək imkanı yaradır 2. Dərslər CELTA sertifikatlı, peşəkar müəllimlər tərəfindən keçirilir 3. 65-dən çox ölkədən gələn tələbələrlə beynəlxalq mühit formalaşır, bu da qlobal düşüncə və mədəni anlayışı inkişaf etdirir Proqrama daxildir: 1. Yüksək keyfiyyətli tələbə yataqxanasında yerləşmə 2. Gündə 3 dəfə qidalanma (full board) 3. Kursdan əvvəl onlayn səviyyə testi 4. Həftədə 15 saat İngilis dili dərsi 5. Yerli görməli yerlərə ekskursiyalar 6. Axşam istirahət və əyləncə fəaliyyətləri 7. Dil səviyyəsini göstərən sertifikat 8. Məzuniyyət mərasimi Əlavə ödənişlə təklif olunan opsiyalar: 1. Liverpool və ya York şəhərinə günübirlik səfər 2. Manchester City, Manchester United və Liverpool FC stadion turları 3. British Music Experience və Liverpool-da The Beatles Story Muzeyi 4. Tate Liverpool və Mersey çayı üzrə qayıq gəzintisi Yerləşmə Tələbələr Mançesterin Victoria Park ərazisində yerləşən, yüksək keyfiyyətli Brook Hall tələbə yataqxanasında qalırlar. Yerləşmənin üstünlükləri: 1. Şəhər mərkəzinə təxminən 20 dəqiqəlik məsafə 2. Tək nəfərlik, şəxsi sanitar qovşaqlı otaqlar 3. Hər mənzildə ümumi istirahət sahələri 4. Təhlükəsiz giriş sistemi 5. 24/7 resepsiya və yerində dəstək 6. Kontinental səhər yeməyi, nahar və şam yeməyi (vegetarian və qlütensiz seçimlər mövcuddur) 7. Dəsmal və yataq dəsti təmin olunur Daha ətraflı qiymətlər və müraciət prosesi haqqında məlumat almaq üçün bizimlə əlaqə saxlaya bilərsiniz. Mənbə: BSC Education City Manchester Fact File (PDF)

Stirling Universiteti 2024-cü ilin payızı üçün “Ras Al Khaimah” kampusunda “SQA Advanced Diploma” proqramlarına daxil olan tələbələr üçün yeni təqaüd imkanlarını elan etməkdən məmnundur. Bu təqaüdlər ali təhsili daha əlçatan və münasib etmək üçün nəzərdə tutulmuşdur ki, uyğun “SQA Advanced Diploma” proqramlarına aşağıdakılar daxildir: • Mühasibat uçotu ilə biznes, • Marketinq ilə biznes, • İnsan Resurslarının İdarə Edilməsi (HRM) ilə biznes, • Kompyuter elmləri, • Hesablama: Proqram təminatının inkişafı • Səyahət və Turizm. Şotlandiyanın canlı mərkəzində yerləşən universitet yüksək səviyyəli tədris təmin etmək, məşğulluğu artırmaq öhdəliyinə sadiqdir. Universitet ardıcıl olaraq Böyük Britaniyada ilk 40-lıqda yer alır (Times and Sunday Times Good University Guide 2023) və magistr təhsili üzrə ən yaxşı 20 təhsil müəssisəsindən biri kimi tanınır. 2022-ci il milli tələbə sorğusunda tələbə məmnuniyyətinə görə universitet Böyük Britaniyada ilk 20-liyə daxil olub. 170-dən çox bakalavr kursu, eləcə də 90-dan çox magistr proqramı, o cümlədən onlayn kurslar seçimi ilə universitet məzunlarının gələcəkdə işlə təmin olunmasını zəmanət altına alır. Yeni 30% təqaüd endirimi ilə “SQA Advanced Diploma” proqramları üçün ödəniş illik 30,000 AED / 8,200 AED-dən illik 21,000 AED / 5,720 AED-ə endirilib, həmçinin universitet bakalavr proqramları üçün 25%-ə qədər təqaüd təklif edir. Bundan əlavə, tələbələrə 2 illik “SQA Advanced Diploma” proqramlarını müvəffəqiyyətlə başa vurduqdan sonra “Stirling” universitetinin bakalavr proqramlarının 3-cü kursuna daxil olmağa zəmanət verilir. Studynet təqaüd imkanlarından və tələbələrin təhsil səyahətlərini qurmağa kömək etməkdən məmnundur. Hər hansı bir sualınız varsa və ya əlavə məlumat öyrənmək istəyirsinizsə, bizimlə əlaqə saxlamaqdan çəkinməyin.

Dünya Bankının “Hüquq Təcrübə Proqramı” Vaşinqtonda, Dünya Bankının “Baş Qərargahı”-da ildə üç dəfə olmaqla maksimum üç ay müddətinə həyata keçirilir. Son tarix 30 aprel 2024-cü ildir. Dünya Bankının “Hüquq Vitse-Prezidentliyi” yüksək motivasiyalı hüquq tələbələrinə Dünya Bankının və “Hüquq Vitse-Prezidentliyi”-nin missiyası və işi ilə tanış olmaq imkanı təklif edir. Dünya Bankının hüquq üzrə təcrübə proqramı fərdlərə Dünya Bankının gündəlik işinə yeni perspektivlər, innovativ ideyalar və ən son tədqiqat təcrübələri gətirməyə və multikultural mühitdə işləyərkən hüquqi bacarıqlarını təkmilləşdirməyə imkan verir. Təcrübə proqramına qəbul qazanmaq üçün əsas tələblər bunlardır: 1. Hüquq sahəsi üzrə bakalavr təhsili almaq 2. Yüksək ingilis dili göstəricisi 3. İkinci dil bilən namizədlərə üstünlük verilir. Bu dillərə ərəb, çin, fransız, rus və ya ispan daxildir. Birləşmiş Millətlər Təşkilatının (BMT) ixtisaslaşmış qurumlarından biri olan Dünya Bankı dünyada qlobal iqtisadi inkişaf məqsədlərinə xidmət edən və maliyyə resurslarının bölgüsünü təmin edir. Təcrübə proqramına müraciət prosesi zaman aşağıdakı sənədlər əsasdır: 1. CV 2. Motivasiya məktubu 3. Hüquq dərəcəsi 4. Tədqiqat sahəsi üzrə esse Təcrübə proqramına seçildiyiniz təqdirdə viza, ümumi ödəniş və tibbi sığorta xərcləri qarşılanacaq. Dünya Bankının “Hüquq Təcrübə Proqramına” uğurla proqram başa vurduqdan sonra Dünya Bankında işlə təmin olunma vəd və ya zəmanəti təşkil etməsə də, tez zamanda iş tapmaq imkanınız olacaqdır. StudyNet Group ABŞ-da təhsil, təqaüdlər, təcrübə proqramları, hazırlıq kursları və yay məktəbləri ilə bağlı bütün suallarınızı cavablamağa hazırdır. 10 ildən artıq təcrübəyə sahib peşəkar təhsil konsultantlarımız sizə təhsil yolunuzda ən yaxşı seçimləri etməyiniz üçün köməklik göstərəcəkdir.

Tibb universitetləri tibb, tibb bacısı, əczaçılıq, stomatologiya və ictimai səhiyyə kimi sahələrdə bakalavr, magistr dərəcələri və peşəkar sertifikatlar da daxil olmaqla müxtəlif proqramlar təklif edir. Tibb universitetində oxumağın əsas üstünlüklərindən biri tələbələrin təcrübə və tədqiqat imkanları vasitəsilə əldə etdikləri praktikanı nəzəri bilikləri ilə birgə tətbiq edə bilməsidir. Ən son dərc olunmuş “QS World University Rankings” siyahısına görə tibb təhsili almaq üçün ən yaxşı universitetləri təqdim edirik. 1. “Harvard” universiteti (ABŞ) 2. “Oxford” universiteti (Birləşmiş Krallıq) 3. “Stanford” universiteti (ABŞ) 4. “Johns Hopkins” universiteti (ABŞ) 5. “Camridge” universiteti (Birləşmiş Krallıq) 6. “University College London” (Birləşmiş Krallıq) 7. “Karolinska Institutet” (İsveç) 8. “Imperial College London” (Birləşmiş Krallıq) 9. “California” universiteti (ABŞ) Dünyanın ən yaxşı tibb fakültələrindən 112-si ABŞ-da yerləşir, onlardan beşi dünyanın ilk onluğuna daxil olur. Harvard universiteti ardıcıl olaraq səkkizinci dəfədir ki, il üçün dünyanın ən yaxşı tibbi proqramını təklif edir, həmçinin, “Massachusetts Institute of Technology” (MIT) bu il ilk onluğa daxil olmasa da, qlobal tibbi tədqiqatlar üzrə liderdir. “Harvard” universiteti aşağıdakılar da daxil olmaqla bir neçə tibb proqramı təklif edir: 1. “Harvard” tibb məktəbi 2. “Harvard T.H. Chan” ictimai sağlamlıq məktəbi 3. “Harvard” diş tibb məktəbi 4. “Harvard-MIT” sağlamlıq elmləri və texnologiyaları bölməsi 5. “Harvard” universitetinin tibb elmləri bölməsi “Harvard” tibb məktəbinin tibb üzrə bakalavr proqramına qəbul olmaq üçün ərizəçilər aşağıdakı tələblərə cavab verməlidirlər: Biologiya, kimya, fizika və riyaziyyat kurslarını əhatə edən tələb olunan həkimiliyə qədərki kurs işinin tamamlanması. 1. MCAT balı 2. Tövsiyə məktubu Tibb sahəsində müvafiq klinik və ya tədqiqat təcrübəsi. 1. Motivasiya məktubu 2. Xarici dil biliyini təsdiq edən sənəd Studynet Group tələbələrə ən yaxşı tibb təhsili əldə edə bilmələri üçün uyğun təhsil proqramının tapılması, viza prosesində dəstək və yaşayış yerinin tapılması kimi professional xidmətləri göstərməkdən məmnundur. Dünyanın ən yaxşı tibb təhsili verən universitetlərinə qəbul almaq bizimlə daha asandır.